((صندوق الدنيا)) معرض مختلف وجديد في فكرته بعنوان (صندوق الدنيا) خططنا انه يكون مهرجان فني باعمال بحجم صغير لعدد كبير من الفنانين وفيه اللي صور الصندوق من بره . والاطفال بيشاهدوا مشاهد من كل ارجاء مصر الجميله . وفيه اللي دخل جوه الصندوق وصور لنا المشاهد والمعالم الرائعه لمصر ببيوتها وشوارعها وحواريها وناسها ومزارعها ونيلها وخلانا نعايش المصريين في عاداتهم الإجتماعية الجميله سواء في رمضان أو الحياه بشكل عام طوال العام . صندوق الدنيا مليان أسرار ومعاني وتفاصيل كتير بتشكل حياتنا اللي ليها طعم مختلف عن كل بلاد الدنيا وده اللي هانشوفه في معرض كل فنان شارك كان حريص علي التواجد بيننا باعمال تلخص رؤيته الفنيه واحساسه بكل المحبه لبلدنا الجميله. تجربه شامله باعمال مميزه من التصوير الزيتي والاكريلك والألوان المائيه والاحبار والحفر والنحت والموزاييك والخزف والنسيج والتصوير الضوئي . اتمني ان تستمتعوا بهذا المهرجان الفني المبهج . * حسن داود * في انتظاركم يوم الافتتاح
